Monday, September 27, 2021
Home விளையாட்டு செய்திகள் கிரிக்கெட் செய்திகள் ஆஸ்திரேலியாவுக்கு எதிராக யார் பெஸ்ட்? கோலி - தோனி இருவரில் யார் அதிக வெற்றியை...

ஆஸ்திரேலியாவுக்கு எதிராக யார் பெஸ்ட்? கோலி – தோனி இருவரில் யார் அதிக வெற்றியை பெற்றுள்ளனர்

சிட்னி : இந்தியா ஆஸ்திரேலியா இடையே கிரிக்கெட் தொடர் நடைபெற உள்ள நிலையில் கேப்டன் விராட் கோலியின் கேப்டன்சிக்கு ஆபத்து ஏற்பட்டுள்ளது. இந்த நிலையில் ஆஸ்திரேலிய அணிக்கு எதிராக விராட் கோலியின் தலைமை பண்பு எப்படி உள்ளது? கோலி -தோனி இருவரில் யார் சிறப்பாக செயல்பட்டிருக்கின்றனர் என்பதை பார்க்கலாம்.

இந்தியா- ஆஸ்திரேலியா அணிகள் இடையே ஒரு நாள்,டி20 மற்றும் டெஸ்ட் தொடர் நடைபெற உள்ளது. வரும் வெள்ளிக்கிழமை முதல் ஒருநாள் போட்டி நடைபெற உள்ளது. கொரோனா வைரஸ் தாக்கத்திற்கு பின்னால் 6 மாதங்களுக்கு பிறகு நடைபெறும் முதல் சர்வதேச தொடர் என்பதால் இந்த தொடரின் மீது ரசிகர்களின் எதிர்பார்ப்பும் அதிகமாகவே உள்ளது. அதேசமயம் கேப்டன் விராட் கோலிக்கு இந்த தொடர் மிக முக்கியம் என்றே கூற வேண்டும்.

விராட் கோலியின் கேப்டன்சி

கடந்த ஆண்டு உலக கோப்பை தொடரின் அரையிறுதி போட்டியில் இருந்து வெளியேறிய போதே இந்திய அணியில் விராட் கோலியின் கேப்டன்சி மீது விமர்சனங்கள் எழுந்தது. அதன் பின்னர் அது குறித்த சர்ச்சைகள் ஓய்ந்திருந்தாலும் இந்தாண்டு ஐபிஎல் தொடருக்கு பிறகு மீண்டும் எழுந்தது. குறைந்தது டி20 தொடருக்காவது ரோஹித் சர்மா கேப்டனாக பதவியேற்க வேண்டும் என்றும் கூறி வருகின்றனர். இப்படிப்பட்ட நிலையில் தான் விராட் கோலி தலைமையில் இந்திய அணி ஆஸ்திரேலியாவை எதிர்கொள்ள இருக்கிறது. இதில் எப்படியாவது இந்தியா வெற்றி பெற வேண்டும் இல்லையேல் விராட் கோலியின் மீதான விமர்சனம் மேலும் அதிகமாகும்.

தோனி vs கோலி

இப்படிப்பட்ட ஒரு சூழலில் இந்திய அணியின் முன்னாள் கேப்டன் தோனி – விராட் கோலி இருவரில் யார் ஆஸ்திரேலிய அணிக்கு எதிராக சிறந்த ரெக்கார்டை வைத்துள்ளனர் என்பதை இப்போது பார்க்கலாம். தோனி தலைமையில் தான் இந்திய அணி டெஸ்ட் தரவரிசையில் முதலிடம் பிடித்தது. இருப்பினும் அப்படிப்பட்ட தோனியின் தலைமையிலேயே இந்திய அணியால் டெஸ்ட் போட்டிகளில் ஆஸ்திரேலியாவை அவ்வளவு எளிதில் வெற்றிபெற முடியவில்லை.

தோனி தலைமையில் இந்தியா ஐந்து டெஸ்ட் தொடர்களில் மோதியுள்ளது. அதில் நான்கில் இந்தியா தோல்வியை சந்தித்துள்ளது. ஒரு தொடரில் மட்டுமே டிரா செய்தது. ஆனால் விராட் கோலி தலைமையில் இந்திய அணி ஆஸ்திரேலியாவுக்கு எதிராக 6 போட்டிகளில் விளையாடி, இரண்டில் வெற்றியும், இரண்டில் தோல்வியும், இரண்டு தொடர் டிராவிலும் முடிவடைந்துள்ளது. அதில் ஒரு தொடர் ஆஸ்திரேலிய மண்ணில் வைத்தே வெற்றி பெற்று வரலாற்று சாதனை படைத்தது.

ஒருநாள் தொடரை எடுத்துக்கொண்டால் தோனி தலைமையில் 5 தொடர்களில் விளையாடி ஒரு தொடரில் மட்டுமே வெற்றியும், 4 தொடரில் தோல்வியும் அடைந்துள்ளது. விராட் கோலி தலைமையில் 3 ஒருநாள் தொடரில் பங்கேற்று இரண்டில் வெற்றியும் ஒரு தொடரில் மட்டுமே தோல்வியும் அடைந்துள்ளது. அதேபோல டி20 தொடரில் தோனி தலைமையில் 6 தொடர்களில் விளையாடியுள்ள இந்தியா 4 தொடரில் வென்றுள்ளது. கோலி தலைமையில் 3 தொடர்களில் பங்கேற்று ஒரு தொடரில் வெற்றியும் ஒரு தொடரில் தோல்வியும் ஒன்றில் முடிவுகள் இன்றியும் ஆனது.

தோனியுடன் ஒப்பிடுகையில் விராட் கோலி தலைமையில் இந்திய அணி சிறந்த ரெக்கார்டை வைத்துள்ளது. இருப்பினும் இந்த ஒரு தொடர் விராட் கோலிக்கு முக்கியமானதாக பார்க்கப்படுகிறது.

- Advertisment -

Most Popular

தோல்வியில் முடிந்த டிரம்பின் முயற்சி.. அசுர வளர்ச்சி அடைந்த வடகொரியா.. பிடனுக்கு காத்திருக்கும் சவால்!

வடகொரியாவின் பொருளாதாரத்தை உலக நாடுகளிடம் இருந்து துண்டிக்கும் அமெரிக்க அதிபர் டொனால்ட் டிரம்பின் முயற்சிக்கு ஓரளவு வெற்றி கிடைத்தாலும் கூட இந்த நடவடிக்கை வடகொரியாவின் ராணுவத்தை மேம்படுத்தும் கிம் ஜோங் உன்னின் முயற்சியில்...

என்னதான் நடக்குது? அடுத்தடுத்து வீரர்களுக்கு ஏற்படும் காயம்.. இந்திய அணியில் நீடிக்கும் சிக்கல்

மெல்போர்ன்: ஆஸ்திரேலியாவுக்கு எதிரான இரண்டாவது டெஸ்ட் போட்டியில் இந்திய அணியின் வேகப்பந்து வீச்சாளர் உமேஷ் யாதாவிற்கு காயம் ஏற்பட்டதை தொடர்ந்து இந்திய அணிக்கு மேலும் ஒரு பின்னடைவு ஏற்பட்டுள்ளது. இவருடன் சேர்த்து இந்திய...

நகர்ந்து வரும் மிகப்பெரிய பனிப்பாறை.. திடீரென எழுப்பப்பட்ட அபாய ஒலி.. A68a பற்றிய முழு விளக்கம்

அண்டார்டிகாவில் இருந்து மிகப்பெரிய ஐஸ்கட்டி பாறையான A68 நகர்ந்து வருவது பென்குயின் மற்றும் பிற கடல்வாழ் உயிரினங்கள் சிலவற்றுக்கு பெரும் ஆபத்தை விளைவிக்க வாய்ப்புள்ளதாக ஆய்வாளர்கள் எச்சரிக்கை விடுத்துள்ளனர். அதிகரிக்கும் புவி வெப்பமயமாதலால் உலகம்...

நிலைமை சரியில்லை.. இப்படியே போனால் ஆஸ்திரேலியா-சீனா உறவு மோசமாகும்.. எச்சரிக்கும் நிபுணர்கள்

சிட்னி: ஆஸ்திரேலியா- சீனா இடையேயான உறவு வரும் 2021 ஆம் ஆண்டு மேலும் மோசமடைவதற்கு வாய்ப்பிருப்பதாக நிபுணர்கள் எச்சரிக்கை விடுத்துள்ளனர். ஆஸ்திரேலியா தாமாக முன்வந்து நிலைமையை சரிசெய்யாத வரை எதுவும் மாறப்போவதில்லை என்றும்...

Recent Comments