Friday, September 17, 2021
Home விளையாட்டு செய்திகள் கிரிக்கெட் செய்திகள் அடேங்கப்பா! இவ்வளவு பணமா ? ஐபிஎல்-லை நடத்த பிசிசிஐ எவ்வளவு கொடுத்துச்சுனு தெரியுமா ?

அடேங்கப்பா! இவ்வளவு பணமா ? ஐபிஎல்-லை நடத்த பிசிசிஐ எவ்வளவு கொடுத்துச்சுனு தெரியுமா ?

துபாய்: 2020 ஐபிஎல் தொடரை ஐக்கிய அரபு அமீரகத்தில் நடத்துவதற்கு நடத்துவதற்கு இந்திய கிரிக்கெட் வாரியமான பிசிசிஐ எமிரேட்ஸ் கிரிக்கெட் வாரியத்துக்கு 100 கோடி ரூபாய் பணம் கொடுத்துள்ளதாக தகவல் வெளியாகியுள்ளது.

2020 ஐபிஎல் தொடர் சமீபத்தில் நடைபெற்று முடிந்தது. மும்பை இந்தியன்ஸ் அணி இறுதி போட்டியில் வென்று நான்காவது முறையாக சாம்பியன் பட்டத்தை தட்டி சென்றது. ஆனால் 2020 ஐபிஎல் தொடர் நடைபெறுவதிலேயே தொடக்கத்தில் பல சிக்கல் எழுந்தது. மார்ச் 29 தேதி தான் முதலில் 2020 ஐபிஎல் தொடர் அதிகாரபூர்வமாக நடைபெறுவதாக இருந்தது. ஆனால் கொரோனா வைரஸ் அச்சுறுத்தல் காரணமாக தேதி குறிப்பிடப்படாமல் ஐபிஎல் தொடர் ஒத்திவைக்கப்பட்டது.

இந்தியாவில் நிலைமை மேலும் மோசமடைவதை தொடர்ந்து ஐபிஎல் போட்டிகளை வெளிநாடுகளில் நடத்த பிசிசிஐ திட்டமிட்டது. ஐபிஎல் தொடரை நடத்தாமல் ரத்து செய்ய பட்டிருந்தால் பிசிசிஐக்கு சுமார் 3 ஆயிரம் கோடி வரை இழப்பு ஏற்பட்டிருக்கும், அதை தவிர்க்கவே வெளிநாடுகளில் ஐபிஎல் தொடரை நடத்த முடிவு செய்யப்பட்டது. இதற்காக இலங்கை மற்றும் ஐக்கிய அரபு அமீரகம் உள்ளிட்ட நாடுகள் போட்டிபோட்டன.

ஐபிஎல் தொடர்

கொரோனாவால் கிரிக்கெட் தொடர் நடைபெறாமல் போனதால் ஏற்பட்ட இழப்பை சரிசெய்ய இலங்கை கிரிக்கெட் நிர்வாகமும் ஐபிஎல் தொடரை நடத்த ஆர்வம் காட்டியது. ஆனால் ஏற்கனவே ஐக்கிய அரபு அமீரகத்தில் ஐபிஎல் போட்டிகளை நடத்திய அனுபவம் இருப்பதால் இந்த முறையும் அங்கு போட்டிகளை நடத்த பிசிசிஐ முடிவெடுத்தது. அங்கு துபாய், ஷார்ஜா, மற்றும் அபுதாபி மைதானத்தில் வைத்து ஐபிஎல் தொடர்களை நடத்தவும் திட்டமிடப்பட்டது.

இதற்கிடையே சீன நிறுவனம் எதிர்ப்பு காரணமாக ஐபிஎல் டைட்டில் ஸ்பான்சராக இருந்த விவோ நிறுவனமும் வெளியேற வேண்டிய கட்டாயம் ஏற்பட்டது. இவை அத்தனையும் கடந்து செப்டம்பர் மாதம் தொடங்கிய 2020 ஐபிஎல் தொடர் நவம்பர் 10ம் தேதி முடிவடைந்தது. இந்த தொடரில் இறுதி போட்டியோடு சேர்த்து மொத்தம் 60 போட்டிகள் நடைபெற்றன. இதற்காக பிசிசிஐ 14 மில்லியன் அமெரிக்க டாலர் இந்திய மதிப்பில் சுமார் 100 கோடி ரூபாய் வரை எமிரேட்ஸ் கிரிக்கெட் நிர்வாகத்துக்கு ஐபிஎல் போட்டிகளை நடத்த கொடுத்துள்ளதாக தகவல் வெளியாகியுள்ளது.

இந்த எண்ணிக்கை பார்க்க பெரிதாக தெரிந்தாலும் இந்தியாவில் ஐபிஎல் தொடரை நடத்தியிருந்தால் ஒரு போட்டிக்கு ஒரு கோடி என்கிற கணக்கில் 60 கோடி வரை மாநில கிரிக்கெட் சங்கங்களுக்கு கொடுக்க வேண்டி இருந்திருக்கும் என்றும் கூறப்பட்டுள்ளது. இந்த 100 கோடி தவிர ஐக்கிய அரபு எமிரேட்ஸின் வணிகத்திலும் ஐபிஎல் பெரும் பங்கு வகித்துள்ளது. அங்கு சுமார் 14 ஐந்து நட்சத்திர ஹோட்டல்கள் மூன்று மாதங்களுக்கு நிரம்பி வழிந்துள்ளன. ஆனால் ஐபிஎல் தலைவரிடம் இருந்தோ அல்லது எமிரேட்ஸ் கிரிக்கெட் வாரிய அதிகாரிகளிடம் இருந்தோ இதுவரை இதுதொடர்பாக அதிகாரபூர்வ தகவல் எதுவும் வெளியாகவில்லை என்பதும் குறிப்பிடத்தக்கது.

- Advertisment -

Most Popular

தோல்வியில் முடிந்த டிரம்பின் முயற்சி.. அசுர வளர்ச்சி அடைந்த வடகொரியா.. பிடனுக்கு காத்திருக்கும் சவால்!

வடகொரியாவின் பொருளாதாரத்தை உலக நாடுகளிடம் இருந்து துண்டிக்கும் அமெரிக்க அதிபர் டொனால்ட் டிரம்பின் முயற்சிக்கு ஓரளவு வெற்றி கிடைத்தாலும் கூட இந்த நடவடிக்கை வடகொரியாவின் ராணுவத்தை மேம்படுத்தும் கிம் ஜோங் உன்னின் முயற்சியில்...

என்னதான் நடக்குது? அடுத்தடுத்து வீரர்களுக்கு ஏற்படும் காயம்.. இந்திய அணியில் நீடிக்கும் சிக்கல்

மெல்போர்ன்: ஆஸ்திரேலியாவுக்கு எதிரான இரண்டாவது டெஸ்ட் போட்டியில் இந்திய அணியின் வேகப்பந்து வீச்சாளர் உமேஷ் யாதாவிற்கு காயம் ஏற்பட்டதை தொடர்ந்து இந்திய அணிக்கு மேலும் ஒரு பின்னடைவு ஏற்பட்டுள்ளது. இவருடன் சேர்த்து இந்திய...

நகர்ந்து வரும் மிகப்பெரிய பனிப்பாறை.. திடீரென எழுப்பப்பட்ட அபாய ஒலி.. A68a பற்றிய முழு விளக்கம்

அண்டார்டிகாவில் இருந்து மிகப்பெரிய ஐஸ்கட்டி பாறையான A68 நகர்ந்து வருவது பென்குயின் மற்றும் பிற கடல்வாழ் உயிரினங்கள் சிலவற்றுக்கு பெரும் ஆபத்தை விளைவிக்க வாய்ப்புள்ளதாக ஆய்வாளர்கள் எச்சரிக்கை விடுத்துள்ளனர். அதிகரிக்கும் புவி வெப்பமயமாதலால் உலகம்...

நிலைமை சரியில்லை.. இப்படியே போனால் ஆஸ்திரேலியா-சீனா உறவு மோசமாகும்.. எச்சரிக்கும் நிபுணர்கள்

சிட்னி: ஆஸ்திரேலியா- சீனா இடையேயான உறவு வரும் 2021 ஆம் ஆண்டு மேலும் மோசமடைவதற்கு வாய்ப்பிருப்பதாக நிபுணர்கள் எச்சரிக்கை விடுத்துள்ளனர். ஆஸ்திரேலியா தாமாக முன்வந்து நிலைமையை சரிசெய்யாத வரை எதுவும் மாறப்போவதில்லை என்றும்...

Recent Comments