Monday, September 27, 2021
Home விளையாட்டு செய்திகள் கிரிக்கெட் செய்திகள் இவங்களா அது?.. மிரண்டு போன ஐபிஎல் ரசிகர்கள்.. அதிரடி காட்டிய ஆஸ்திரேலிய வீரர்கள்

இவங்களா அது?.. மிரண்டு போன ஐபிஎல் ரசிகர்கள்.. அதிரடி காட்டிய ஆஸ்திரேலிய வீரர்கள்

சிட்னி : இந்தியாவுக்கு எதிரான முதல் ஒருநாள் போட்டியில் ஆஸ்திரேலிய பேட்ஸ்மேன்கள் எல்லோரும் தங்களுடைய பேட்டிங் மூலம் ஐபிஎல் ரசிகர்களுக்கு ஷாக் கொடுத்துள்ளனர்.

இந்தியா – ஆஸ்திரேலியா இடையே மூன்று போட்டிகள் கொண்ட ஒருநாள் தொடர் இன்று தொடங்கியது. சிட்னியில் நடக்கும் முதல் போட்டியில் டாஸ் வென்ற ஆஸ்திரேலிய அணி முதலில் பேட்டிங்கை தேர்வு செய்தது. ஆஸ்திரேலியாவின் பிளேயிங் லெவனில் இடம்பெற்று இருந்த பெரும்பாலான வீரர்கள் ஐபிஎல் போட்டிகளின் போது மோசமான பார்மில் இருந்த வீரர்கள், இதனால் இந்திய அணி எளிதாக அவர்களை வீழ்த்தி விட முடியும் என்றும் கணிக்கப்பட்டது. அதற்கு ஏற்றார் போல இந்திய அணியும் வலிமையான பிளேயிங் லெவனுடன் களமிறங்கியது.

ஆனால் இந்திய வீரர்களுக்கு ஆஸ்திரேலிய பேட்ஸ்மேன்கள் தொடக்கம் முதலே அதிர்ச்சி கொடுத்தனர். ஆஸ்திரேலிய அணியில் டேவிட் வார்னர் மற்றும் ஆரோன் பின்ச் தொடக்க வீரர்களாக களமிறங்கினர். பின்ச் ஐபிஎல் போட்டிகளின் போது பெங்களூர் அணியில் இடம்பெற்று இருந்த வீரர். 2020 ஐபிஎல் தொடர் முழுவதுமே பின்ச் பெரிய அளவில் பார்மில் இல்லை. ஒன்று இரண்டு போட்டிகளை தவிர மிக மற்ற எல்லா போட்டிகளிலும் தடுமாறி வந்தார். இதனால் கடைசி சில போட்டிகளில் பின்ச் நீக்கப்பட்ட சம்பவங்கள் கூட நடைபெற்றது. ஆனால் அதே பின்ச் இன்றைய போட்டியில் வேற லெவல் ஓப்பனிங் கொடுத்தார். இந்திய அணி பவுலர்களின் பந்துவீச்சை துவம்சம் செய்து 124 பந்துகளில் 114 ரன்கள் எடுத்தார்.

அடுத்து ராஜஸ்தான் ராயல்ஸ் அணியின் கேப்டனாக இருந்த ஸ்மித்தும் இந்த போட்டியில் அதிரடி ஆட்டம் ஆடியிருக்கிறார். ஐபிஎல் சீசனில் ஸ்மித் பேட்டிங்கில் பெரிய அளவில் ராஜஸ்தான் அணிக்கு கை கொடுக்கவில்லை. அந்த அணியும் தொடர் தோல்விகளால் புள்ளிகள் பட்டியலில் கடைசி இடத்தை பிடித்தது. ஸ்மித் மிக மோசமான பார்மில் இருக்கிறார் அவர் கேப்டன் என்கிற ஒரே காரணத்தினால் தான் எல்லா போட்டிகளிலும் விளையாடுகிறார் இதனால் அவரை கேப்டன் பதவியில் இருந்து நீக்கிவிட்டு வேறு ஒருவருக்கு வாய்ப்பு கொடுக்க வேண்டும் என்றெல்லாம் கவுதம் கம்பீர் உள்ளிட்டோர் விமர்சனம் செய்து வந்தனர். அந்த அளவிற்கு மோசமான பார்மில் இருந்த சடீவ் ஸ்மித் இன்றைய போட்டியில் 66 பந்துகளில் 105 ரன்கள் எடுத்துள்ளார்

அதே போல பஞ்சாபின் கேதர் ஜாதவே என்று ரசிகர்களால் மோசமான கிண்டலுக்கு உள்ளன மேக்ஸ்வெல் தான் இன்று 19 பந்துகளில் 45 ரன்கள் அதிரடியாக விலகியுள்ளார். இதில் 3 சிக்சரும் 5 பவுண்டரிகளும் அடக்கம். அதன் பின்னர் 2020 ஐபிஎல் சீசனில் சென்னை சூப்பர் கிங்ஸ் அணியில் இடம்பெற்று இருந்த ஜோஸ் ஹேசல்வுட்க்கு மிகச்சில வாய்ப்புகளே போட்டிகளில் பங்கேற்க கொடுக்கப்பட்டது, அதிலும் அவர் சிறப்பாக செயல்படாததால் இந்த தொடரில் சென்னை அணி அவரை பயன்படுத்தாமலே வைத்திருந்தது. ஆனால் என்ன மாயமோ தெரியவில்லை இவரும் இந்தியாவுக்கு எதிரான போட்டியில் முக்கியமான மூன்று விக்கெட்டுகளை வீழ்த்தி இருக்கிறார்.

ஐபிஎல் தொடரின் போது யாரெல்லாம் சொதப்பல் வீரர்கள் என்று இந்திய ரசிகர்கள் கிண்டல் செய்தார்களோ அவர்கள் எல்லாரும் தான் இந்தியாவுக்கு முதல் ஒருநாள் போட்டியில் முக்கிய வீரர்களாக மாறியுள்ளனர்.

- Advertisment -

Most Popular

தோல்வியில் முடிந்த டிரம்பின் முயற்சி.. அசுர வளர்ச்சி அடைந்த வடகொரியா.. பிடனுக்கு காத்திருக்கும் சவால்!

வடகொரியாவின் பொருளாதாரத்தை உலக நாடுகளிடம் இருந்து துண்டிக்கும் அமெரிக்க அதிபர் டொனால்ட் டிரம்பின் முயற்சிக்கு ஓரளவு வெற்றி கிடைத்தாலும் கூட இந்த நடவடிக்கை வடகொரியாவின் ராணுவத்தை மேம்படுத்தும் கிம் ஜோங் உன்னின் முயற்சியில்...

என்னதான் நடக்குது? அடுத்தடுத்து வீரர்களுக்கு ஏற்படும் காயம்.. இந்திய அணியில் நீடிக்கும் சிக்கல்

மெல்போர்ன்: ஆஸ்திரேலியாவுக்கு எதிரான இரண்டாவது டெஸ்ட் போட்டியில் இந்திய அணியின் வேகப்பந்து வீச்சாளர் உமேஷ் யாதாவிற்கு காயம் ஏற்பட்டதை தொடர்ந்து இந்திய அணிக்கு மேலும் ஒரு பின்னடைவு ஏற்பட்டுள்ளது. இவருடன் சேர்த்து இந்திய...

நகர்ந்து வரும் மிகப்பெரிய பனிப்பாறை.. திடீரென எழுப்பப்பட்ட அபாய ஒலி.. A68a பற்றிய முழு விளக்கம்

அண்டார்டிகாவில் இருந்து மிகப்பெரிய ஐஸ்கட்டி பாறையான A68 நகர்ந்து வருவது பென்குயின் மற்றும் பிற கடல்வாழ் உயிரினங்கள் சிலவற்றுக்கு பெரும் ஆபத்தை விளைவிக்க வாய்ப்புள்ளதாக ஆய்வாளர்கள் எச்சரிக்கை விடுத்துள்ளனர். அதிகரிக்கும் புவி வெப்பமயமாதலால் உலகம்...

நிலைமை சரியில்லை.. இப்படியே போனால் ஆஸ்திரேலியா-சீனா உறவு மோசமாகும்.. எச்சரிக்கும் நிபுணர்கள்

சிட்னி: ஆஸ்திரேலியா- சீனா இடையேயான உறவு வரும் 2021 ஆம் ஆண்டு மேலும் மோசமடைவதற்கு வாய்ப்பிருப்பதாக நிபுணர்கள் எச்சரிக்கை விடுத்துள்ளனர். ஆஸ்திரேலியா தாமாக முன்வந்து நிலைமையை சரிசெய்யாத வரை எதுவும் மாறப்போவதில்லை என்றும்...

Recent Comments