Monday, September 27, 2021
Home செய்திகள் உலக செய்திகள் கனடாவில் ஒருவருக்கு அரியவகை வைரஸ் பாதிப்பு.. எப்படி பரவியது? தீவிரமாக தேடும் சுகாதாரத்துறை

கனடாவில் ஒருவருக்கு அரியவகை வைரஸ் பாதிப்பு.. எப்படி பரவியது? தீவிரமாக தேடும் சுகாதாரத்துறை

மாண்ட்ரியல் : கனடா நாட்டில் ஒருவருக்கு அரியவகை பன்றிக்காய்ச்சல் ஏற்பட்டுள்ளதாக சுகாதாரத்துறை அதிகாரிகள் கூறியுள்ளனர். இதனால் அவர் உடனே தனிமைப்படுத்தப்பட்டு விட்டார் என்றும் கூறியுள்ளனர்.

உலகமே கொரோனாவால் பாதிக்கப்பட்டு மிக மோசமாக அவதிப்பட்டு வருகிறது. இதற்கிடையில் அவ்வப்போது சில புதிய வகை வைரஸ்கள் சீனா மற்றும் உலகின் சில பகுதிகளில் பாதிப்பை ஏற்படுத்துவது மக்களுக்கு மேலும் அச்சத்தை ஏற்படுத்தியுள்ளது. கடந்த சில மாதங்களில் சீனாவில் டிக் போர்ன் வைரஸ், மற்றும் கேட் க்யூ வைரஸ் போன்ற வைரஸ்கள் பரவ தொடங்கின. அந்த வகையில் இப்போது கனடாவில் அறிய வகை எச்1 என்2( H1N2) வைரஸ் பாதிப்பு ஒருவருக்கு ஏற்பட்டுள்ளதாக சுகாதாரத்துறை அதிகாரிகள் கூறியுள்ளனர். இது அரியவகை பன்றி காய்ச்சலாகும்.

மேற்கு அல்பர்ட்டா மாகாணத்தில் அக்டோபர் மத்தியில் ஒருவருக்கு இந்த பாதிப்பு ஏற்பட்டுள்ளது. உடனடியாக அவர் தனிமைப்படுத்தப்பட்டுள்ளார். இதனால் அல்பர்ட்டா பகுதி மக்கள் அச்சப்பட தேவையில்லை என்றும் சுகாதாரத்துறையின் அறிக்கையில் தெரிவிக்கப்பட்டுள்ளது. காய்ச்சல் பருவ காலங்களில் இதுவரை அல்பர்ட்டாவில் பதிவான ஒரே இன்ஃப்ளூயன்ஸா பாதிப்பு இது மட்டும் தான் என்றும் அதில் கூறப்பட்டுள்ளது.

பெயர் வெளியிடப்படாத அந்த நோயாளிக்கு இன்ஃப்ளூயன்ஸா அறிகுறிகள் இருப்பதை அறிந்து உடனடியாக அவர் பரிசோதனைக்கு உட்படுத்தப்பட்டார். அவருக்கு H1N2 வைரஸ் பாதிப்பு இருப்பது கண்டறியப்பட்டதும் உடனடியாக அதற்கான சிகிச்சை அவருக்கு கொடுக்கப்பட்டு வருகிறது. மேற்கொண்டு இது பரவ வாய்ப்பில்லை என்றும் சுகாதாரத்துறை தெரிவித்துள்ளது.

கனடா நாட்டின் சுகாதாரத்துறை இந்த வைரஸ் எங்கிருந்து பரவியது என்பது குறித்து ஆராய்ச்சி மேற்கொண்டு வருகின்றனர். மேலும் அது வேறு யாருக்கும் பரவவில்லை என்பதை உறுதி செய்யும் நடவடிக்கையிலும் தீவிரமாக ஈடுபட்டுள்ளனர். இந்த H1N2 ஸ்ட்ரெயின் உணவு பொருட்கள் மூலம் பரவ கூடியது கிடையாது. இதனால் பன்றி இறைச்சி அல்லது அது சார்ந்த உணவை சாப்பிட்டதன் மூலம் பாதிப்பு ஏற்பட வாய்ப்பில்லை என்று கூறப்பட்டுள்ளது. 2005 க்கு பிறகு உலகம் முழுவதுமே இதுவரை 27 பேருக்கு மட்டுமே இந்த H1N2 வைரஸ் பாதிப்பு ஏற்பட்டுள்ளது. இது வழக்கமாக வரும் பன்றி காய்ச்சலான H1N1 வகை கிடையாது. இந்த வகை வைரஸ் பாதிப்பு கனடாவில் தற்போது யாருக்கும் இல்லை.

கனடாவின் பொது சுகாதாரத்துறையின் தலைமை அதிகாரி இதுபற்றி கூறுகையில், “இது மனிதர்களுக்கு ஏற்படும் ஒரு அரிய வகை காய்ச்சல், பொதுவாக பன்றிகளில் இருந்து வெளிப்பட்டிருக்கலாம். மனிதர்களிடம் இருந்து பிற மனிதர்களுக்கு எளிதில் பரவக்கூடியதா என்பது உறுதிசெய்யப்படவில்லை என்றும் கூறியுள்ளார்.

- Advertisment -

Most Popular

தோல்வியில் முடிந்த டிரம்பின் முயற்சி.. அசுர வளர்ச்சி அடைந்த வடகொரியா.. பிடனுக்கு காத்திருக்கும் சவால்!

வடகொரியாவின் பொருளாதாரத்தை உலக நாடுகளிடம் இருந்து துண்டிக்கும் அமெரிக்க அதிபர் டொனால்ட் டிரம்பின் முயற்சிக்கு ஓரளவு வெற்றி கிடைத்தாலும் கூட இந்த நடவடிக்கை வடகொரியாவின் ராணுவத்தை மேம்படுத்தும் கிம் ஜோங் உன்னின் முயற்சியில்...

என்னதான் நடக்குது? அடுத்தடுத்து வீரர்களுக்கு ஏற்படும் காயம்.. இந்திய அணியில் நீடிக்கும் சிக்கல்

மெல்போர்ன்: ஆஸ்திரேலியாவுக்கு எதிரான இரண்டாவது டெஸ்ட் போட்டியில் இந்திய அணியின் வேகப்பந்து வீச்சாளர் உமேஷ் யாதாவிற்கு காயம் ஏற்பட்டதை தொடர்ந்து இந்திய அணிக்கு மேலும் ஒரு பின்னடைவு ஏற்பட்டுள்ளது. இவருடன் சேர்த்து இந்திய...

நகர்ந்து வரும் மிகப்பெரிய பனிப்பாறை.. திடீரென எழுப்பப்பட்ட அபாய ஒலி.. A68a பற்றிய முழு விளக்கம்

அண்டார்டிகாவில் இருந்து மிகப்பெரிய ஐஸ்கட்டி பாறையான A68 நகர்ந்து வருவது பென்குயின் மற்றும் பிற கடல்வாழ் உயிரினங்கள் சிலவற்றுக்கு பெரும் ஆபத்தை விளைவிக்க வாய்ப்புள்ளதாக ஆய்வாளர்கள் எச்சரிக்கை விடுத்துள்ளனர். அதிகரிக்கும் புவி வெப்பமயமாதலால் உலகம்...

நிலைமை சரியில்லை.. இப்படியே போனால் ஆஸ்திரேலியா-சீனா உறவு மோசமாகும்.. எச்சரிக்கும் நிபுணர்கள்

சிட்னி: ஆஸ்திரேலியா- சீனா இடையேயான உறவு வரும் 2021 ஆம் ஆண்டு மேலும் மோசமடைவதற்கு வாய்ப்பிருப்பதாக நிபுணர்கள் எச்சரிக்கை விடுத்துள்ளனர். ஆஸ்திரேலியா தாமாக முன்வந்து நிலைமையை சரிசெய்யாத வரை எதுவும் மாறப்போவதில்லை என்றும்...

Recent Comments