Monday, September 27, 2021
Home செய்திகள் உலக செய்திகள் 2068 ஆம் ஆண்டு பூமியை தாக்க வரும் சிறுகோள்.. ஹிரோஷிமாவை விட 65,000 மடங்கு அழிவை...

2068 ஆம் ஆண்டு பூமியை தாக்க வரும் சிறுகோள்.. ஹிரோஷிமாவை விட 65,000 மடங்கு அழிவை ஏற்படுத்தும்!

பூமியை நோக்கி வேகமாக வந்துகொண்டிருக்கும் சிறுகோள் ஒன்று இன்னும் 50 வருடங்களில் பூமி மீது மோதுவதற்கான சாதிய கூறுகள் இருப்பதாக விஞ்ஞானிகள் கூறியுள்ளனர். அவ்வாறு மோதும் பட்சத்தில் மிகப்பெரிய அழிவை அது ஏற்படுத்தும் என்று கணிக்கப்பட்டுள்ளது.

பூமியை நோக்கி அபோபிஸ் என்கிற சிறுகோள் ஒன்று வேகமாக வந்துகொண்டிருக்கிறது. அபோபிஸ் என்றால் குழப்பங்களின் கடவுள் என்று அர்த்தம். 370 மீட்டர் விட்டம் கொண்ட இந்த சிறுகோள் பூமியை நோக்கி வந்துகொண்டிருக்கிறது. 2068 ஆம் ஆண்டு அது பூமியை தாக்க வாய்ப்புள்ளதாக கணிக்கப்பட்டுள்ளது. ஒருவேளை அது பூமியை தாக்கினால் 800 மில்லியன் TNT வெடிப்பிற்கு சமமான அழிவை ஏற்படுத்த சாத்தியக்கூறுகள் இருப்பதாக தெரிவிக்கப்பட்டுள்ளது. மேலும் ஹிரோஷிமாவில் அணுசக்தி குண்டு வெடிப்பால் ஏற்பட்ட பேரழிவை விட 65 ஆயிரம் மடங்கு அதிக பாதிப்பை இது ஏற்படுத்தும்.

இப்போது புதிய ஆய்வில் இந்த சிறுகோளின் வேகம் சூரிய வெப்பத்தினால் அதிகரித்துள்ளதாக கூறப்பட்டுள்ளது. இதனால் இந்த அபோபிஸ் சிறுகோள் யார்கோவ்ஸ்கி விளைவுக்குள் செல்கிறது. யார்கோவ்ஸ்கி விளைவு என்பது, ஒரு சிறுகோள் வேகமடையும் போது அதன் வெப்ப கதிர்வீச்சு ஒரே மாதிரியாக இல்லாததால், அதன் பாதையில் நீண்ட கால கணிப்புகளைச் செய்வது மிகவும் கடினம். அந்த விண்கல்லின் குறிப்பிட்ட சில பகுதிகளில் மற்ற பகுதிகளை விட வேகமாக வெப்பம் அதிகரிப்பது இதற்க்கு காரணமாக பார்க்கப்படுகிறது. இப்போது இந்த யார்கோவ்ஸ்கி விளைவிற்குள் அபோபிஸ் விண்கல் நுழைந்துள்ளதால் அது சூரிய வெப்பத்தினால் அதன் பாதை மாறுவதற்கும் வாய்ப்புள்ளது. ஆனால் அதன் வேகம் அதிகரித்துள்ளதால் 2068 ஆம் ஆண்டு பூமியின் மீது மோதுவதற்கான சாத்தியக்கூறுகள் அதிகளவில் உள்ளன என்று விஞ்ஞானிகள் கூறியுள்ளனர்.

இந்த விண்கல் யார்கோவ்ஸ்கி விளைவிற்குள் நுழைந்தது குறித்து விஞ்ஞானி டேவ் தொலென் தலைமையிலான ஹவாய் பல்கலைக்கழகத்தின் வானியலாளர்கள் கண்டுபிடித்துள்ளனர். இந்த அபோபிஸ் சிறுகோள் முதலில் ஜூன் 2004 இல் கண்டுபிடிக்கப்பட்டது. இது அடுத்து ஏப்ரல் 13, 2029 அன்று சிறுகோள் பூமிக்கு மிக நெருக்கமாக கடந்து செல்லும். எந்த அளவிற்கு நெருக்கம் என்றால் வெறும் கண்ணால் இதை பார்க்க முடியும். பூமியைச் சுற்றும் தகவல் தொடர்பு செயற்கைக்கோள்களின் மண்டலத்திற்குள் செல்லும் வகையில் நெருக்கமாக கடந்து செல்லும் என்று தெரிவிக்கப்பட்டுள்ளது.

- Advertisment -

Most Popular

தோல்வியில் முடிந்த டிரம்பின் முயற்சி.. அசுர வளர்ச்சி அடைந்த வடகொரியா.. பிடனுக்கு காத்திருக்கும் சவால்!

வடகொரியாவின் பொருளாதாரத்தை உலக நாடுகளிடம் இருந்து துண்டிக்கும் அமெரிக்க அதிபர் டொனால்ட் டிரம்பின் முயற்சிக்கு ஓரளவு வெற்றி கிடைத்தாலும் கூட இந்த நடவடிக்கை வடகொரியாவின் ராணுவத்தை மேம்படுத்தும் கிம் ஜோங் உன்னின் முயற்சியில்...

என்னதான் நடக்குது? அடுத்தடுத்து வீரர்களுக்கு ஏற்படும் காயம்.. இந்திய அணியில் நீடிக்கும் சிக்கல்

மெல்போர்ன்: ஆஸ்திரேலியாவுக்கு எதிரான இரண்டாவது டெஸ்ட் போட்டியில் இந்திய அணியின் வேகப்பந்து வீச்சாளர் உமேஷ் யாதாவிற்கு காயம் ஏற்பட்டதை தொடர்ந்து இந்திய அணிக்கு மேலும் ஒரு பின்னடைவு ஏற்பட்டுள்ளது. இவருடன் சேர்த்து இந்திய...

நகர்ந்து வரும் மிகப்பெரிய பனிப்பாறை.. திடீரென எழுப்பப்பட்ட அபாய ஒலி.. A68a பற்றிய முழு விளக்கம்

அண்டார்டிகாவில் இருந்து மிகப்பெரிய ஐஸ்கட்டி பாறையான A68 நகர்ந்து வருவது பென்குயின் மற்றும் பிற கடல்வாழ் உயிரினங்கள் சிலவற்றுக்கு பெரும் ஆபத்தை விளைவிக்க வாய்ப்புள்ளதாக ஆய்வாளர்கள் எச்சரிக்கை விடுத்துள்ளனர். அதிகரிக்கும் புவி வெப்பமயமாதலால் உலகம்...

நிலைமை சரியில்லை.. இப்படியே போனால் ஆஸ்திரேலியா-சீனா உறவு மோசமாகும்.. எச்சரிக்கும் நிபுணர்கள்

சிட்னி: ஆஸ்திரேலியா- சீனா இடையேயான உறவு வரும் 2021 ஆம் ஆண்டு மேலும் மோசமடைவதற்கு வாய்ப்பிருப்பதாக நிபுணர்கள் எச்சரிக்கை விடுத்துள்ளனர். ஆஸ்திரேலியா தாமாக முன்வந்து நிலைமையை சரிசெய்யாத வரை எதுவும் மாறப்போவதில்லை என்றும்...

Recent Comments