Friday, September 17, 2021
Home செய்திகள் இந்தியா செய்திகள் கடற்படைக்கு மேலும் வலிமை சேர்க்கும்.. வாகிர் நீர்மூழ்கி கப்பல் கடற்படையில் சேர்ப்பு

கடற்படைக்கு மேலும் வலிமை சேர்க்கும்.. வாகிர் நீர்மூழ்கி கப்பல் கடற்படையில் சேர்ப்பு

மும்பை : இந்திய கடற்படைக்கு மேலும் வலுசேர்க்கும் விதமாக ஸ்கார்பீன் ரக ஐந்தாவது நீர்மூழ்கி கப்பல் வாகிர் இன்று கடற்படையில் இணைக்கப்பட்டுள்ளது. பாதுகாப்புத்துறை இணையமைச்சர் ஸ்ரீபத் நாயக் அரபிக் கடல் பகுதியில் இருக்கும் மசாகோன் கப்பல் கட்டும் தளத்தில் வீடியோ கான்பரன்சிங் மூலம் கடற்படையிடம் ஒப்படைத்தார்.

இந்தியா சமீப காலமாக ராணுவத்தை சக்திவாய்ந்ததாக மாற்றி வருகிறது. அடுத்தடுத்த நவீன ஆயுதங்களின் வெற்றிகரமான சோதனைகள், பிரான்ஸ், ரஷ்யா உள்ளிட்ட நாடுகளில் இருந்து வாங்கப்படும் போர் தளவாடங்கள் மூலம் இந்திய ராணுவத்தின் வலிமை நாளுக்கு நாள் அதிகமாகிக்கொண்டே செல்கிறது. அதன் அடுத்தகட்டமாக இந்திய கடற்படைக்கு கூடுதல் வலிமை சேர்க்கும் விதமாக 6 ஸ்கார்பீன் ரக நீர்மூழ்கி கப்பல்களை கட்டும் பொறுப்பு பாதுகாப்பு பொதுத்துறை நிறுவனமான மசாகோன் கப்பல் கட்டும் நிறுவனத்திடம் வழங்கப்பட்டது. அதில் ஐந்தாவது நீர்மூழ்கி கப்பல் வாகிர் இன்று கடற்படையில் இணைக்கப்பட்டுள்ளது.

அதில் முதலாவது ஐ.என்.எஸ் கல்வாரி 2015 இல் தயாரிக்கப்பட்டு 2017 இன் பிற்பகுதியில் கடற்படையில் ஈடுபடுத்தப்பட்டது. ஐ.என்.எஸ் கல்வாரிக்கு பிறகு, காந்தேரி, கரஞ்ச் மற்றும் வேலா ஆகிய நீர்மூழ்கி கப்பல்களும் இணைக்கப்பட்டுள்ளன. இவை அனைத்தும் இந்திய கடற்படையின் புராஜெக்ட் 75 இன் ஒரு பகுதியாக தயாரிக்கப்பட்டு வருகின்றன.

ஐ.என்.எஸ் வாகிர் அறிமுகம் குறித்து கருத்து தெரிவித்த மேற்கு கடற்படையின் வைஸ் அட்மிரல் ஆர் பி பண்டிட், ஒரு வருட காலத்திற்குள் இந்த நீர்மூழ்கி கப்பல் இயக்கப்படும் என்று தான் எதிர்பார்ப்பதாகக் கூறினார். கடற்படையில் ஏற்கனவே செயல்பட்டு வரும் இரண்டு கல்வாரி வகுப்பு நீர்மூழ்கிக் கப்பல்கள் எங்களிடம் உள்ளன. மீதமுள்ள நான்கை மிக விரைவாக பெறுவதில் நாங்கள் மகிழ்ச்சியடைவோம், என்றும் அவர் கூறியுள்ளார்.

இந்த ஸ்கார்பீன் ரக நீர்மூழ்கிக்கப்பல் பொதுவாக எந்தவொரு நவீன நீர்மூழ்கிக் கப்பலினாலும் மேற்கொள்ளப்படும் பலதரப்பட்ட பணிகளை மேற்கொள்ள முடியும். இதனால் மேற்பரப்பு தாக்குதல் மற்றும் நீர்மூழ்கி எதிர்ப்பு தாக்குதல் நடத்தும் நவீன ஆயுதங்களை ஸ்கார்பீன் ரக நீர்மூழ்கிக்கப்பல்கள் பெற்று இருக்கும். ஆறாவது ஸ்கார்பீன் நீர்மூழ்கிக் கப்பல் ‘வாக்ஷீர் கட்டுமான பணியும் முடிவடையும் நிலையில் உள்ளது.

- Advertisment -

Most Popular

தோல்வியில் முடிந்த டிரம்பின் முயற்சி.. அசுர வளர்ச்சி அடைந்த வடகொரியா.. பிடனுக்கு காத்திருக்கும் சவால்!

வடகொரியாவின் பொருளாதாரத்தை உலக நாடுகளிடம் இருந்து துண்டிக்கும் அமெரிக்க அதிபர் டொனால்ட் டிரம்பின் முயற்சிக்கு ஓரளவு வெற்றி கிடைத்தாலும் கூட இந்த நடவடிக்கை வடகொரியாவின் ராணுவத்தை மேம்படுத்தும் கிம் ஜோங் உன்னின் முயற்சியில்...

என்னதான் நடக்குது? அடுத்தடுத்து வீரர்களுக்கு ஏற்படும் காயம்.. இந்திய அணியில் நீடிக்கும் சிக்கல்

மெல்போர்ன்: ஆஸ்திரேலியாவுக்கு எதிரான இரண்டாவது டெஸ்ட் போட்டியில் இந்திய அணியின் வேகப்பந்து வீச்சாளர் உமேஷ் யாதாவிற்கு காயம் ஏற்பட்டதை தொடர்ந்து இந்திய அணிக்கு மேலும் ஒரு பின்னடைவு ஏற்பட்டுள்ளது. இவருடன் சேர்த்து இந்திய...

நகர்ந்து வரும் மிகப்பெரிய பனிப்பாறை.. திடீரென எழுப்பப்பட்ட அபாய ஒலி.. A68a பற்றிய முழு விளக்கம்

அண்டார்டிகாவில் இருந்து மிகப்பெரிய ஐஸ்கட்டி பாறையான A68 நகர்ந்து வருவது பென்குயின் மற்றும் பிற கடல்வாழ் உயிரினங்கள் சிலவற்றுக்கு பெரும் ஆபத்தை விளைவிக்க வாய்ப்புள்ளதாக ஆய்வாளர்கள் எச்சரிக்கை விடுத்துள்ளனர். அதிகரிக்கும் புவி வெப்பமயமாதலால் உலகம்...

நிலைமை சரியில்லை.. இப்படியே போனால் ஆஸ்திரேலியா-சீனா உறவு மோசமாகும்.. எச்சரிக்கும் நிபுணர்கள்

சிட்னி: ஆஸ்திரேலியா- சீனா இடையேயான உறவு வரும் 2021 ஆம் ஆண்டு மேலும் மோசமடைவதற்கு வாய்ப்பிருப்பதாக நிபுணர்கள் எச்சரிக்கை விடுத்துள்ளனர். ஆஸ்திரேலியா தாமாக முன்வந்து நிலைமையை சரிசெய்யாத வரை எதுவும் மாறப்போவதில்லை என்றும்...

Recent Comments