Thursday, January 27, 2022
Homeசெய்திகள்இந்தியா செய்திகள்ஏவுகணை மூலம் தாக்குதல் நடத்தியதாக வெளியான தகவல்.. உடனே மறுப்பு தெரிவித்த ராணுவம்.. என்ன நடந்தது?

ஏவுகணை மூலம் தாக்குதல் நடத்தியதாக வெளியான தகவல்.. உடனே மறுப்பு தெரிவித்த ராணுவம்.. என்ன நடந்தது?

காஷ்மீர் : பாகிஸ்தான் ஆக்கிரமிப்பு காஷ்மீரில் இருக்கும் தீவிரவாத குழுக்கள் மீது இந்திய ராணுவம் தாக்குதல் நடத்தியதாக வெளியான செய்திக்கு இந்திய ராணுவம் உடனடியாக மறுப்பு தெரிவித்துள்ளது. அப்படியான எந்த நடவடிக்கையிலும் ஈடுபடவில்லை என்றும் தெளிவு படுத்தியுள்ளது.

முன்னதாக பாகிஸ்தான் ஆக்கிரமிப்பு காஷ்மீரில் இருக்கும் பயங்கரவாத குழுக்கள் மீது இந்திய ராணுவம் துல்லிய ஏவுகணை தாக்குதல் நடத்தியதாக கூறப்பட்டது. இந்த தாக்குதலில் பாகிஸ்தான் ஆதரவு பயங்கரவாத குழுக்களின் முகாம்கள் கடுமையாக சேதம் அடைந்ததாகவும் இன்று மாலை தகவல் வெளியானது.

ஜம்மு காஷ்மீரில் கடந்த சில நாட்களாக பதற்றமான சூழ்நிலை நிலவி வருகிறது. கடந்த வாரம் பாகிஸ்தான் ராணுவம் காஷ்மீரில் நடத்திய தாக்குதலில் 5 ராணுவ வீரர்கள், 4 பொது மக்கள் பலியானார்கள். அதற்கு இந்திய ராணுவம் தரப்பில் பதிலடி கொடுக்கப்பட்டது. அதில் 8 பாகிஸ்தான் வீரர்கள் பலியானார்கள் .

ஜம்மு-ஸ்ரீநகர் தேசிய நெடுஞ்சாலையில் வாகன சோதனையின் போது பயங்கரவாதிகள் காவல்துறையினரால் தடுத்து நிறுத்தப்பட்டனர், அப்போது ஏற்பட்ட துப்பாக்கிசூட்டில் நான்கு ஜெய்ஷ்-இ-முகமது பயங்கரவாதிகள் கொல்லப்பட்டனர் மற்றும் இரண்டு போலீசாருக்கு காயம் ஏற்பட்டது.

இதன்மூலம் மிகப்பெரிய தீவிரவாத ஊடுருவல் முயற்சி தடுத்து நிறுத்தப்பட்டதாக தெரிவிக்கப்பட்டது. நரேந்திர மோடி அரசாங்கம் காஷ்மீருக்கான சிறப்பு அங்கீகாரம் வழங்கும் 370 சட்டப்பிரிவை நீக்கியத்தில் இருந்து பாகிஸ்தான் ஆதரவு பயங்கரவாத குழுக்களின் தாக்குதல் அதிகரித்துள்ளது. மேலும் பாகிஸ்தான் தரப்பில் இருந்து 4,052 முறை பாகிஸ்தானின் போர்நிறுத்த மீறல் சம்பவங்கள் இதுவரை பதிவாகியுள்ளன.

இந்த நிலையில் தான் இன்று மாலை பாகிஸ்தான் ஆக்கிரமிப்பு காஷ்மீரில் உள்ள தீவிரவாத குழுக்களின் முகாம்கள் மீது இந்திய ராணுவம் ஏவுகணை உள்ளிட்ட ஆயுதங்களை கொண்டு துல்லிய தாக்குதல் நடத்தியதாக சில ஊடகங்களில் செய்தி வெளியானது. ஆனால் உடனடியாக ராணுவம் அந்த தகவல் பொய்யானது என்று மறுப்பு தெரிவித்துள்ளது. ஜம்மு காஷ்மீரில் அப்படியான எந்த தாக்குதலும் நடைபெறவில்லை என்றும் எல்லையில் நிலைமை பதற்றமாக இல்லை என்றும் ராணுவ தரப்பு மறுப்பு தெரிவித்துள்ளது.

- Advertisment -

Most Popular

Recent Comments