Friday, September 17, 2021
Home செய்திகள் இந்தியா செய்திகள் தேவைப்பட்டால் எல்லா நடவடிக்கைகளையும் எடுப்போம்.. பாகிஸ்தானை எச்சரித்த இந்தியா

தேவைப்பட்டால் எல்லா நடவடிக்கைகளையும் எடுப்போம்.. பாகிஸ்தானை எச்சரித்த இந்தியா

ஜம்மு காஷ்மீரின் நக்ரோட்டா பகுதியில் தீவிரதிகள் மீதான என்கவுண்டர் குறித்து பிரதமர் மோடி ட்வீட் செய்த அடுத்த நாள், தீவிரவாதிகளை பயன்படுத்தி இந்தியா மீது தாக்குதல் நடத்த முயற்சிப்பது தொடர்பாக பாகிஸ்தானுக்கு இந்திய எச்சரிக்கை விடுத்துள்ளது. நாட்டின் பாதுப்புக்காக தேவைப்பட்டால் பயங்கரவாதத்திற்கு எதிராக தேவையான அனைத்து நடவடிக்கைகளையும் எடுக்கும் என்றும் கூறியுள்ளது.

கடந்த சில நாட்களுக்கு முன்பாக ஜம்மு காஷ்மீரின் நக்ரோட்டா பகுதியில் பாதுகாப்பு படையினர் நடத்திய சோதனையின் போது ஒரு லாரி மூலம் இந்தியாவிற்குள் நுழைந்து 26/11 தாக்குதல் போல மிகப்பெரிய பயங்கரவாத தாக்குதலுக்கு திட்டமிட்ட தீவிரவாதிகள் என்கவுண்டர் செய்யப்பட்டனர். இதுகுறித்து ட்வீட் செய்த பிரதமர் மோடி, பாகிஸ்தானில் செயல்பட்டு வரும் ஜெய்ஷ் இ முகமது அமைப்பின் 4 தீவிரவாதிகளை எனக்கவுண்டர் செய்ததோடு அவர்களின் ஆயுதங்களையும் கைப்பற்றி இந்திய ராணுவம் அதிரடியாக செயல்பட்டுள்ளது. இதன் மூலம் மிகப்பெரிய தீவிரவாத தாக்குதல் வெற்றிகரமாக முறியடிக்கப்பட்டுள்ளது, என்று பிரதமர் மோடி தனது டிவிட்டில் குறிப்பிட்டு இருந்தார்.

நக்ரோட்டாவில் தீவிரவாதிகளிடம் இருந்து கைப்பற்றிய ஆயுதங்கள் மற்றும் வெடி பொருட்களை பார்க்கும் போது மிகப்பெரிய சதி திட்டத்திற்கு முயற்சி நடைபெற்றுள்ளது என்றும், காஷ்மீருக்கு சிறப்பு அங்கீகாரம் வழங்கும் 370வது சட்டப்பிரிவை நீக்கியத்தில் இருந்து அங்கு அமைதியை சீர்குலைக்க பாகிஸ்தான் மேற்கொண்ட முயற்சிகள் குறித்தும் அரசு வட்டாரங்களில் சுட்டிக்காட்டப்பட்டுள்ளது. இந்த நிலையில் தான் தொடர் தீவிரவாத முயற்சிகள் குறித்து இந்தியா பாகிஸ்தானுக்கு எச்சரிக்கை விடுத்துள்ளது.

பாகிஸ்தான் தனது கட்டுப்பாட்டில் உள்ள எந்தவொரு பிரதேசத்தையும் இந்தியாவுக்கு எதிரான பயங்கரவாதத்திற்கு எந்த வகையிலும் பயன்படுத்த அனுமதிக்கக் கூடாது என்கிற சர்வதேச கடமைகளை நிறைவேற்ற வேண்டும் என்ற நீண்டகால கோரிக்கையை இந்தியா மீண்டும் வலியுறுத்தியுள்ளது. பயங்கரவாதத்திற்கு எதிரான போராட்டத்தில் இந்தியா, அதன் தேசிய பாதுகாப்பைப் உறுதிசெய்ய தேவையான அனைத்து நடவடிக்கைகளையும் எடுக்க உறுதியுடன் உள்ளதாக எச்சரித்துளளது. மேலும் இந்தியாவிற்கு எதிராக தொடரும் ஜெய்ஷ் இ முகமது அமைப்பின் பயங்கரவாத தாக்குதல்கள் குறித்து இந்திய அரசாங்கம் தனது கவலையை வெளிப்படுத்தியது என்றும் அறிக்கையில் கூறப்பட்டுள்ளது.

கடந்த காலங்களில் இந்தியாவில் நடைபெற்ற பல தீவிரவாத தாக்குதல்களில் ஜெய்ஷ் இ முகமது தீவிரவாத அமைப்பு ஈடுபட்டு இருந்தது. குறிப்பாக 2019 ஆம் ஆண்டு நடைபெற்ற நாட்டையே உலுக்கிய புல்வாமா தாக்குதலிலும் இந்த அமைப்பு ஈடுபட்டிருந்தது. அந்த தாக்குதலை தொடர்ந்து இந்திய ராணுவம் பாலக்கோட்டில் இருந்த தீவிரவாதிகளின் பயிற்சி முகாம்கள் மீது சர்ஜிக்கல் ஸ்ட்ரைக் தாக்குதல் மேற்கொண்டதும் குறிப்பிடத்தக்கது.

- Advertisment -

Most Popular

தோல்வியில் முடிந்த டிரம்பின் முயற்சி.. அசுர வளர்ச்சி அடைந்த வடகொரியா.. பிடனுக்கு காத்திருக்கும் சவால்!

வடகொரியாவின் பொருளாதாரத்தை உலக நாடுகளிடம் இருந்து துண்டிக்கும் அமெரிக்க அதிபர் டொனால்ட் டிரம்பின் முயற்சிக்கு ஓரளவு வெற்றி கிடைத்தாலும் கூட இந்த நடவடிக்கை வடகொரியாவின் ராணுவத்தை மேம்படுத்தும் கிம் ஜோங் உன்னின் முயற்சியில்...

என்னதான் நடக்குது? அடுத்தடுத்து வீரர்களுக்கு ஏற்படும் காயம்.. இந்திய அணியில் நீடிக்கும் சிக்கல்

மெல்போர்ன்: ஆஸ்திரேலியாவுக்கு எதிரான இரண்டாவது டெஸ்ட் போட்டியில் இந்திய அணியின் வேகப்பந்து வீச்சாளர் உமேஷ் யாதாவிற்கு காயம் ஏற்பட்டதை தொடர்ந்து இந்திய அணிக்கு மேலும் ஒரு பின்னடைவு ஏற்பட்டுள்ளது. இவருடன் சேர்த்து இந்திய...

நகர்ந்து வரும் மிகப்பெரிய பனிப்பாறை.. திடீரென எழுப்பப்பட்ட அபாய ஒலி.. A68a பற்றிய முழு விளக்கம்

அண்டார்டிகாவில் இருந்து மிகப்பெரிய ஐஸ்கட்டி பாறையான A68 நகர்ந்து வருவது பென்குயின் மற்றும் பிற கடல்வாழ் உயிரினங்கள் சிலவற்றுக்கு பெரும் ஆபத்தை விளைவிக்க வாய்ப்புள்ளதாக ஆய்வாளர்கள் எச்சரிக்கை விடுத்துள்ளனர். அதிகரிக்கும் புவி வெப்பமயமாதலால் உலகம்...

நிலைமை சரியில்லை.. இப்படியே போனால் ஆஸ்திரேலியா-சீனா உறவு மோசமாகும்.. எச்சரிக்கும் நிபுணர்கள்

சிட்னி: ஆஸ்திரேலியா- சீனா இடையேயான உறவு வரும் 2021 ஆம் ஆண்டு மேலும் மோசமடைவதற்கு வாய்ப்பிருப்பதாக நிபுணர்கள் எச்சரிக்கை விடுத்துள்ளனர். ஆஸ்திரேலியா தாமாக முன்வந்து நிலைமையை சரிசெய்யாத வரை எதுவும் மாறப்போவதில்லை என்றும்...

Recent Comments