Tuesday, June 28, 2022
Homeசெய்திகள்இந்தியா செய்திகள்பீகாரில் அக்.28-ல் முதல் கட்ட வாக்குப் பதிவு- நவ.10-ல் வாக்கு எண்ணிக்கை- தலைமை தேர்தல்...

பீகாரில் அக்.28-ல் முதல் கட்ட வாக்குப் பதிவு- நவ.10-ல் வாக்கு எண்ணிக்கை- தலைமை தேர்தல் ஆணையர்!

டெல்லி: பீகாரில் அக்.28-ல், முதல் கட்ட வாக்குப் பதிவு நடைபெறவுள்ளது. நவ.10-ல் வாக்கு எண்ணிக்கை நடைபெறும் என இந்திய தலைமை தேர்தல் ஆணையர் சுனில் அரோரா தெரிவித்துள்ளார்.

இன்று செய்தியாளர்களை சந்தித்த இந்திய தலைமை தேர்தல் ஆணையர் சுனில் அரோரா கூறியதாவது

பீகார் சட்டமன்றத்தின் பதவிக்காலம் நவம்பர் 29 ஆம் தேதியுடன் முடிவடைகிறது. இதனையடுத்து பீகார் சட்டமன்ற தேர்தல் 3 கட்டங்களாக நடைபெற உள்ளது.

முதல் கட்டத்தில் 71 தொகுதிகளில் தேர்தல் நடைபெறும். 2-வது கட்டத்தில் 94 தொகுதிகளிலும், 3-வது கட்டத்தில் 78 தொகுதிகளிலும் தேர்தல் நடைபெறும்.

பீகாரில் தேர்தல் நடத்தை விதிகள் உடனடியாக அமலுக்கு வருகிறது.

பீகாரில் மொத்தம் 7 .29 கோடி பேர் வாக்காளர்கள் உள்ளனர். பீகார் தேர்தலுக்கு 1,89,000 மின்னணு வாக்கு பதிவு இயந்தரங்கள் பயன்படுத்தப்படும். 1000 வாக்காளர்களுக்கு 1 வாக்குச்சாவடி அமைக்கப்படும். காலை 7 மணி முதல் மாலை 6 மணிவரை வாக்களிக்க ஏற்பாடு செய்யப்படும். வாக்குப்பதிவு நேரம் ஒரு மணிநேரம் அதிகரிக்கபடும்.

வாக்குச்சாவடி பணியாளர்களுக்கு 46 லட்சம் முகக்கவசங்கள் வழங்கப்படும்.

கொரோனா நோயாளிகள் வாக்களிக்க சிறப்பு ஏற்பாடு செய்யப்படும்.

வீடு வீடாக பிரசாரம் செய்ய 5 பேர் வரை மட்டுமே அனுமதி. வேட்புமனுத் தாக்கலின் போது 2 வாகனங்கள், 2 பேருக்கு மட்டுமே அனுமதி என்று இந்திய தலைமை தேர்தல் ஆணையர் சுனில் அரோரா செய்தயாளர்களிடம் தெரிவித்துள்ளார்.

- Advertisment -

Most Popular

Recent Comments