செம ருசியான பட்டர் இறால் முட்டை மசாலா செய்யனுமா? வாங்க கத்துக்கலாம்!
தேவைப்படும் பொருட்கள்:
பட்டர்- 1 கப்
இறால் – 250 கிராம்
முட்டை – 4
பெரிய வெங்காயம் – 2
தக்காளி – 2
பட்டை – 2
கிராம்பு -3
பிரிஞ்சி இலை – 2
சோம்பு -1 ஸ்பூன்
மிளகாய் தூள் – 1 டேபிள் ஸ்பூன்
மஞ்சள் தூள் – அரை ஸ்பூன்
உப்பு -தேவைக்கேற்ப
கறிவேப்பிலை – 1 கொத்து
செய்முறை :
- இறாலைச் சுத்தம் செய்து கொள்ளவும்.
- வெங்காயம் மற்றும் தக்காளியைப் பொடியாக நறுக்கி வைக்கவும்.
- முட்டையை வேக வைக்கவும்.
- பாத்திரத்தில் எண்ணெய் ஊற்றி சூடானதும் பட்டை, கிராம்பு, சோம்பு, கறிவேப்பிலை மற்றும் ப்ரிஞ்சி இலை சேர்த்து பொரிந்ததும், வெங்காயத்தைச் சேர்த்து வதக்கவும்.
- வெங்காயம் வதங்கியதும், தக்காளியைச் சேர்த்து நன்கு எண்ணெய் பிரியும் வரை வதக்கி பின்பு இறாலைச் சேர்த்து வதக்கவும்.
- பிறகு மிளகாய் தூள், மஞ்சள் தூள் மற்றும் உப்பு சேர்த்து வதக்கி சிறிது தண்ணீர் விட்டு வேகவிடவும்.
- மசாலா நன்றாக திக்கானதும் அதனுடன் பட்டர் மற்றும் வேகவைத்த முட்டைகளை குறுக்காக வெட்டிப் போட்டு நன்கு பிரட்டி இறக்கவும்.
இப்போ சூடான பட்டர் இறால் முட்டை மசாலா தயார். விடுமுறை நாட்களில் வீடுகளில் இதுபோன்ற உணவுகளை செய்து கொடுத்து அசத்துங்கள்.
ALSO READ | செட்டிநாட்டு சிக்கன் பிரியாணி செய்வது எப்படி..? என்னா டேஸ்ட் தெரியுமா?