அசைவ உணவுகளிலே அதிகளவு சத்துக்களையும், ஆரோக்கியத்தையும் கொண்டது மீன் ஆகும். அதிலும் மீனைப் பொரித்து சாப்பிடும்போது தனி சுவைதான். அதற்கு நிகர் அந்த மீன் சுவை மட்டுமே ஆகும்.
தேவையான பொருட்கள்:
ஜிலேபி மீன் 1 கிலோ
சின்ன வெங்காயம் 8
சீரகம் 1 டீஸ்பூன்
சோம்பு 1 டீஸ்பூன்
எண்ணெய் – தேவைக்கேற்ப
பச்சை மிளகாய் 4
இஞ்சி பூண்டு பேஸ்ட் 2 டீஸ்பூன்
கடுகு 1 டீஸ்பூன்
உளுத்தம் பருப்பு தேவையான அளவு
கறிவேப்பிலை 1 கொத்து
தேங்காய் துருவல் 1 கப்
உப்பு தேவைக்கேற்ப
கொத்தமல்லி தழை 1 கைப்பிடி
செய்முறை :
- மீனை நன்றாக சுத்தம் செய்து கொள்ளவும். சுத்தம் செய்த பின் முள் இல்லாமல் உதிர்த்து வைக்கவும்.
- வெங்காயம் மற்றும் தக்காளியை நறுக்கி கொள்ளவும்.
- மிக்ஸியில் இஞ்சி பூண்டு விழுது, சீரகம், பச்சை மிளகாய், சோம்பு சேர்த்து அரைத்து கொள்ளவும்.
- ஒரு கடாயில் எண்ணெய் ஊற்றி காய்ந்ததும் அதில் கடுகு, கறிவேப்பிலை, உளுத்தம் பருப்பு போட்டு வறுக்கவும்.
- பின் அரைத்த விழுதையும், வெங்காயத்தையும் அதில் சேர்த்து வதக்கவும்.
- வெங்காயம் வதங்கியவுடன் உதிர்த்து வைத்த மீனை போட்டு நன்கு பிரட்டவும்.
- பின் தேவைக்கேற்ப சிறிது உப்பு, தேங்காய் துருவல் சேர்த்து கொள்ளவும். பின்பு கொத்தமல்லி தழையை சேர்த்து பிரட்டி இறக்கவும்.
இப்போ சுவையான மீன் பொரியல் தயார். இந்த பொரித்த மீனை சாப்பிட்டு ருசியில் மகிழுங்கள்.