Wednesday, June 29, 2022
HomeLifestyleஉணவுகளில் உள்ள ஊட்டச்சத்தை நமது சமையல் முறை எவ்வாறு பாதிக்கிறது?

உணவுகளில் உள்ள ஊட்டச்சத்தை நமது சமையல் முறை எவ்வாறு பாதிக்கிறது?

சத்தான உணவுகளை உட்கொள்வது உங்கள் ஆரோக்கியத்தையும், ஆற்றலையும் மேம்படுத்தும். ஆனால், உங்கள் உணவை நீங்கள் சமைக்கும் விதம் அதில் உள்ள ஊட்டச்சத்துக்களின் அளவைப் பெரிதும் பாதிக்கிறது.

இந்த கட்டுரையில் பல்வேறு சமையல் முறைகள் எவ்வாறு உணவுகளின் ஊட்டச்சத்து உள்ளடக்கத்தை பாதிக்கிறது என்பதை விரிவாக  காண்போம்.

சமையல் முறை ஊட்டச்சத்தை எவ்வாறு பாதிக்கிறது

சமைத்த உணவு  செரிமானத்தை மேம்படுத்துகிறது மற்றும் நமது உடல் பல ஊட்டச்சத்துக்களை உறிஞ்சுவதற்கு உதவியாக இருக்கின்றது. உதாரணத்திற்கு , சமைத்த முட்டைகளில் உள்ள புரதம் பச்சை முட்டைகளில் உள்ள புரதத்தை காட்டிலும் 180% அதிக செரிமானமாகும். இருப்பினும், சில சமையல் முறைகள் பல முக்கிய ஊட்டச்சத்துக்களைக் குறைக்கின்றன.

வைட்டமின் சி, பி (B1, B2, B3, B5, B6, B9, B12), வைட்டமின்கள் A, D, E, K மற்றும் பொட்டாசியம், மெக்னீசியம், சோடியம், கால்சியம் போன்ற தாதுக்கள்  சமைக்கும் போது ஊட்டச்சத்துக்கள் பெரும்பாலும் குறைக்கப்படுகின்றன.

கொதிக்கவைத்தல் மற்றும் வேகவைத்தல்

காய்கறிகிளில் பொதுவாக வைட்டமின் சி அதிகமாக இருக்கும் , ஆனால் அவை தண்ணீரில் சமைக்கும்போது அதில் ஒரு பெரிய அளவு இழக்கப்படுகிறது.

மற்ற சமையல் முறைகளை காட்டிலும்  நீரில் கொதிக்க வைக்கும் உணவில் வைட்டமின் சி அதிக அளவில் குறைக்கப்படுகின்றது. ப்ரோக்கோலி, பாலக் கீரை(Spinach) நீரில்  வேகவைக்கும்போது அவற்றின் வைட்டமின் சி 50 சாதவிகத்திற்கு மேல இழக்கக்கூடும். ஏன் என்றால் வைட்டமின் சி நீரில் கரையக்கூடியது மற்றும் வெப்பத்திற்கு உணர்திறன் உடையது என்பதால், அவை சூடான நீரில் மூழ்கும்போது காய்கறிகளிலிருந்து வெளியேறும்.

பி வைட்டமின்கள் இதேபோல் வெப்ப உணர்திறன் கொண்டவை. இறைச்சிகளை வேகவைக்கும் போது அவற்றில் இருந்து வெளியேறும் சாறு  மூலம் தியாமின், நியாசின் மற்றும் பிற பி வைட்டமின்களில் 60% வரை இழக்கப்படுகிறது. இருப்பினும், இந்த சாறுகளைக் கொண்ட திரவத்தை உட்கொள்ளும்போது, 100% தாதுக்கள் மற்றும் 70-90% பி வைட்டமின்கள் தக்கவைக்கப்படுகின்றன.

மறுபுறம், எண்ணெயில் பொறித்த மீனை விடவும் குழம்பில் கொதிக்கும் மீனில் omega-3 fatty acid அதிகம் தக்கவைக்கப்படுகிறது.

How Does Cooking Methods leads to Nutrient Loss in Foods

கிரில்லில் சமைக்கப்படும் உணவு

கிரில் சிக்கன் போன்ற கிரில்லில் சமைக்கப்படும் உணவிற்கு சுவை அதிகம்.  க்ரில்லில் சமைக்கும்போது, ஊட்டச்சத்து நிறைந்த சாறு, இறைச்சியிலிருந்து சொட்டும்போது 40% பி வைட்டமின்கள் மற்றும் தாதுக்கள் இழக்கப்படலாம்.

இவ்வாறு க்ரில்லில் சமைக்கும் போது நாம் இன்னொரு விசியத்தையும் மனதில் கொள்ளவேண்டும். அது என்னவென்றால் polycyclic aromatic hydrocarbons (PAHs) எனும் புற்றுநோயை உண்டாக்கும் வேதி பொருட்களாகும். இது இறைச்சி வறுபட்டு அதன் கொழுப்பு சூடான மேற்பரப்பில் சொட்டும் போது ஏற்படுகிறது.

இருப்பினும், கிரில் அடுப்புகளில் புகை குறைக்கப்படுவதன் மூலமாகவும், இறைச்சியின் சூடான மேற்பரப்பில் சொட்டுகின்ற கொழுப்புகளை அகற்றுவதன்  மூலமாகவும் PAH களை 41–89% குறைக்க முடியும் என்று ஆராய்ச்சியாளர்கள் கண்டறிந்துள்ளனர்.

மைக்ரோவேவ் சமையல்

இன்றைய தலைமுறையினர் பெரும்பாலானோர் மைக்ரோ வேவ் ஓவனை பயன்படுத்துகின்றனர். இதில் குறைவான நேரம் மற்றும் எளிமையாக சமைக்கலாம் போன்ற காரணங்களால் இதை அதிகம் பயன்படுத்துகின்றனர்.

குறுகிய நேரத்தில் சமைத்தல் மற்றும்  வெப்ப வெளிப்பாடு குறைவு என்பதால் மைக்ரோ வேவ் ஓவனில் சமைக்கும் உணவில் ஊட்டச்சத்துக்கள் தக்க வைக்கப்படுகின்றது.

பூண்டு மற்றும் காளான்களின் ஆன்டிஆக்ஸிடன்ட் செயல்பாட்டைத் தக்கவைக்க மைக்ரோவேவ் சிறந்த முறையாகும் என்று ஆய்வுகள் கண்டறிந்துள்ளன. மைக்ரோவேவ் மூலம் சமைக்கப்படும் காய்கறிகளில் சுமார் 20-30% வைட்டமின் சி  இழக்கப்படுகிறது. இருப்பினும் இது பெரும்பாலான சமையல் முறைகளை விட குறைவாக உள்ளது என்பது குறிப்பிடதக்கது.

ஊட்டச்சத்துக்களை தக்கவைத்துக்கொள்ள ஆவியில் வேகவைப்பது மிகவும் சிறந்த சமையல் முறையாக கருதப்படுகிறது. ப்ரோக்கோலி மற்றும் கீரை வகைகளை ஆவியில் வேகவைப்பதன் மூலம் அவற்றில் உள்ள வைட்டமின் சி  9–15%  மட்டுமே குறைக்கிறது என்று ஆராய்ச்சியாளர்கள் கண்டறிந்துள்ளனர்.

- Advertisment -

Most Popular

Recent Comments