Friday, January 28, 2022
Homeசினிமாமிரட்டல் லுக்.. வெளியானது சிம்புவின் 'ஈஸ்வரன் ' படத்தின் ஃபர்ஸ்ட் லுக் போஸ்டர்!!

மிரட்டல் லுக்.. வெளியானது சிம்புவின் ‘ஈஸ்வரன் ‘ படத்தின் ஃபர்ஸ்ட் லுக் போஸ்டர்!!

சென்னை: சுசீந்திரன் இயக்கும் சிம்புவின் 46 வது படத்தின் ஃபர்ஸ்ட் லுக் போஸ்டர் வெளியாகி உள்ளது. இந்த படத்திற்கு ஈஸ்வரன் என்று பெயரிடப்பட்டுள்ளது.

கழுத்தில் பாம்புடன் இருக்கும் போஸ்டர் வெளியாகியுள்ளது. இது சிம்புவின்  ரசிகர்களிடையே மிகுந்த வரவேற்பை பெற்றுள்ளது.

வருகிற 2021 ஆம் ஆண்டு பொங்கல் பண்டிகையை அன்று சிம்புவின் ஈஸ்வரன் படம் ரிலீஸ் ஆகிறது.

காலை முதல் ட்விட்டர் ட்ரெண்டிங்கில் #SilambarasanTR46, #STR46 போன்ற ஹாஷ் டேகுகள் ட்ரெண்ட் ஆகி வந்தது.

இந்த படத்தின் ஃபர்ஸ்ட் லுக் போஸ்டர் அக்டோபர் 26 ஆம் தேதி விஜயதசமி அன்று வெளியிடப்படும் என்று படக்குழுவினரால் அறிவிக்கப்பட்டிருந்தது. இதனை தொடர்ந்து இன்று சரியாக 12 :12 மணிக்கு பர்ஸ்ட் லுக் போஸ்டர் வெளியானது.

 

இந்த படத்தில் பிரபல நடிகை நந்திதா ஸ்வேதா கெஸ்ட் ரோலில் நடிக்கிறார். இவர் சிம்புவுக்கு தங்கையாக நடிப்பதாகக் கூறப்படுகிறது.

நடிகை நிதி அகர்வால் சிம்புவுக்கு ஜோடியாக நடிக்கிறார். இந்த படத்தின் படப்பிடிப்பு திண்டுக்கல்லில் நடந்து வருகிறது. இதில் பிரபல இயக்குனர் பாரதிராஜா முக்கிய கதாபாத்திரத்தில் நடிக்கிறார்.

ஒஸ்தி, வாலு படங்களுக்கு இசை அமைத்த தமன் இந்த படத்துக்கும் இசையமைக்கிறார் என்பது குறிப்பிடத்தக்கது..

- Advertisment -

Most Popular

Recent Comments