Wednesday, June 29, 2022
Homeவர்த்தக செய்திகள்25000 ஊழியர்களை பணிநீக்கம் செய்யும் அக்சென்சர்... இந்தியாவில் 10000 பேர் வேலை இழக்கும் அபாயம்!

25000 ஊழியர்களை பணிநீக்கம் செய்யும் அக்சென்சர்… இந்தியாவில் 10000 பேர் வேலை இழக்கும் அபாயம்!

டெல்லி: அக்சென்சர் நிறுவனம் 25000 பேரை பணிநீக்கம் செய்ய முடிவுசெய்யதுள்ளது.

முன்னணி ஐ.டி நிறுவனமான அக்சென்சரில் உலகளவில் 5 லட்சம் ஊழியர்கள் பணிபுரிகின்றனர். இந்தியாவில் 2 லட்சம் ஊழியர்கள் பணிபுரிகின்றனர்.

இதில் மொத்த எண்ணிக்கியில் 5% ஊழியர்களை அதாவது 25000 பேரை பணிநீக்கம் செய்ய திட்டமிட்டுள்ளதாக அந்நிறுவனத்தின் சிஇஓ ஜூலி ஸ்வீட் தெரிவித்துள்ளார். இதனால் இந்தியாவில் 10000 ஊழியர்கள் வேலை இழக்கும் சூழ்நிலை உருவாகியுள்ளது.

மேலும் அவர் கூறுகையில், கோவிட் 19 தொற்று காரணமாக நிறுவனம் மந்தமான பொருளாதார நிலையில் உள்ளது. ஆண்டுதோறும் 5% ஊழியர்களை சீர்மாற்றம் செய்து அந்த இடத்தில் புதிதாக பணியாளர்களை அமர்த்துவோம். ஆனால் இந்த ஆண்டு நாங்கள் புதிதாக ஊழியர்களை பணியமர்த்தாமல் கையாள முடிவு செய்துள்ளோம்.

துணை ஒப்பந்தக்காரர்களைக் குறைத்து, புதிய ஆட்சேர்ப்பை நிறுத்திய போதிலும், நிறுவனம் இன்னும் ஊழியர்களின் எண்ணிக்கையைக் குறைக்க வேண்டிய அவசியத்தில் உள்ளது என்று தலைமை நிர்வாக அதிகாரி ஜூலி ஸ்வீட் கூறியுள்ளார்.

கொரோனா தொற்று நெருக்கடி காரணமாக அக்சென்சர் நிறுவனத்தின் வளர்ச்சி 1.3 சதவீதமாக சரிந்துள்ளது.

அக்சென்சரில் தற்போது 120 க்கும் மேற்பட்ட நாடுகளில் 509,000 பேர் பணியில் உள்ளனர் என்பது குறிப்படத்தக்கது.

- Advertisment -

Most Popular

Recent Comments