Thursday, June 1, 2023
HomeAstrologyஇன்றைய ராசிபலன் (23/1/2023): கன்னிக்கு ஆர்வம்.. துலாமுக்கு மேன்மை… நமக்கு இந்த நாள் எப்படி இருக்கப்போது?

இன்றைய ராசிபலன் (23/1/2023): கன்னிக்கு ஆர்வம்.. துலாமுக்கு மேன்மை… நமக்கு இந்த நாள் எப்படி இருக்கப்போது?

மேஷம்:

வியாபாரம் சார்ந்த பணியில் லாபம் அதிகரிக்கும். குடும்ப உறுப்பினர்களின் ஒத்துழைப்பு கிடைக்கும். வெளிவட்டாரத்தில் செல்வாக்கு மேம்படும். திட்டமிட்டு செயல்படுவதன் மூலம் எதிர்பார்ப்புகளை நிறைவேற்றிக் கொள்வீர்கள். எதிலும் திருப்தியற்ற சிந்தனைகள் ஏற்பட்டு நீங்கும். கனிவான பேச்சுக்கள் உங்கள் மீதான நன்மதிப்பை மேம்படுத்தும். சமூகம் தொடர்பான சிந்தனைகள் அதிகரிக்கும். வெற்றி நிறைந்த நாள்.

ரிஷபம்:

உத்தியோக ரீதியான பணிகளில் பொறுப்புகள் அதிகரிக்கும். உங்களின் தனித்திறமைகளை அறிந்து கொள்வீர்கள். ஆராய்ச்சி சார்ந்த துறைகளில் சாதகமான முடிவு கிடைக்கும். ஆன்மிக தலங்களுக்கு சென்று வருவீர்கள். வெளியூர் தொடர்பான பயணங்கள் கைகூடும். மற்றவர்களின் தேவைகளை நிறைவேற்றி மகிழ்வீர்கள். விரும்பிய பொருட்களை வாங்குவதில் சில அலைச்சல்கள் உண்டாகும். சோர்வு விலகும் நாள்.

மிதுனம்:

மற்றவர்களை பற்றிய கருத்துக்களை தவிர்க்கவும். கணவன், மனைவிக்கிடையே விட்டுக்கொடுத்து செல்லவும். நெருக்கமானவர்களின் மூலம் சில மாற்றமான சூழ்நிலைகள் உண்டாகும். தனிப்பட்ட விஷயங்களை மற்றவர்களிடம் பகிர்வதை குறைத்துக் கொள்ளவும். உடல் ஆரோக்கியத்தில் கவனம் வேண்டும். அவசர முடிவுகளை தவிர்த்து பொறுமையை கையாளவும். உத்தியோக பணியில் கூடுதல் கவனத்துடன் செயல்படவும். விவேகம் வேண்டிய நாள்.

கடகம்:

சுபகாரியம் தொடர்பான எண்ணங்கள் கைகூடும். மற்றவர்களின் கருத்துக்களுக்கு மதிப்பளித்து செயல்படுவீர்கள். தவறிப்போன சில பொருட்களை பற்றிய சிந்தனைகள் உண்டாகும். எதிர்பாராத சில அலைச்சல்கள் ஏற்படும். உயர் பொறுப்பில் இருப்பவர்களின் அறிமுகம் கிடைக்கும். மனதில் இருந்துவந்த கவலைகள் நீங்கி புத்துணர்ச்சி அடைவீர்கள். அரசு சார்ந்த பணிகளில் ஆதரவு கிடைக்கும். நிதானம் வேண்டிய நாள்.

சிம்மம்:

உணவு முறையில் மாற்றங்கள் உண்டாகும். எதிர்ப்புகளை வெற்றி கொள்வீர்கள். உத்தியோகப் பணிகளில் புதுமையான சூழ்நிலைகள் ஏற்படும். நெருக்கமானவர்களிடம் இருந்துவந்த கருத்து வேறுபாடுகள் குறையும். மறதி தொடர்பான பிரச்சனைகள் அவ்வப்போது ஏற்பட்டு நீங்கும். திருப்பங்கள் நிறைந்த சூழ்நிலைகள் உண்டாகும். உடல் ஆரோக்கியத்தில் சோர்வும், மந்தத்தன்மையும் ஏற்படும். அமைதி நிறைந்த நாள்.

கன்னி:

கடன் சார்ந்த நெருக்கடிகள் குறையும். சிற்றின்ப விஷயங்களில் ஆர்வம் அதிகரிக்கும். எதையும் பகுத்தறிந்து முடிவுகளை எடுப்பீர்கள். அழகு சார்ந்த விஷயங்களில் ஈடுபாடு உண்டாகும். உணர்வுப்பூர்வமாக சிந்திப்பதை விட சூழ்நிலைக்கு ஏற்ப செயல்படுவது நல்லது. குழந்தைகளின் வழியில் மகிழ்ச்சியான செய்திகள் கிடைக்கும். பொறுமை வேண்டிய நாள்.

துலாம்:

விவசாயம் சார்ந்த பணிகளில் மேன்மை ஏற்படும். சிந்தனைகளில் ஒருவிதமான சோர்வு உண்டாகும். வாகன பயணங்களில் விவேகம் வேண்டும். எதிர்பாராத சில புதிய வாய்ப்புகள் கிடைக்கும். நண்பர்களின் ஆதரவு கிடைக்கும். சிக்கனமாக செயல்பட்டு சேமிப்பை மேம்படுத்துவீர்கள். கலகலப்பான பேச்சுக்களின் மூலம் பலரின் பாராட்டுகளை பெறுவீர்கள். தாமதம் விலகும் நாள்.

விருச்சிகம்:

திட்டமிட்ட பணிகளில் எண்ணங்கள் ஈடேறும். மாணவர்களுக்கு ஞாபக சக்தி அதிகரிக்கும். குறுகிய தூர பயணங்களின் மூலம் புத்துணர்ச்சி அடைவீர்கள். இடமாற்றம் சார்ந்த முயற்சிகள் ஈடேறும். வீட்டு உபயோகப் பொருட்களை வாங்கி மகிழ்வீர்கள். மறைமுக எதிர்ப்புகளை வெற்றி கொள்வீர்கள். விற்பனை சார்ந்த துறைகளில் புதிய வாய்ப்புகள் கிடைக்கும். அனுகூலம் நிறைந்த நாள்.

தனுசு:

ஆடம்பரப் பொருட்களை வாங்கி மகிழ்வீர்கள். எதிர் வாதங்களில் சிந்தித்து செயல்படவும். நண்பர்களின் மூலம் புதிய வாய்ப்புகள் கிடைக்கும். பொழுதுபோக்கு தொடர்பான விஷயங்களின் மூலம் ஆதாயம் ஏற்படும். தாய்மாமன் வழியில் ஆதரவு கிடைக்கும். தூக்கமின்மை பிரச்சனைகள் குறையும். புதிய உணவுகளில் கவனம் வேண்டும். ஜெயம் நிறைந்த நாள்.

மகரம்:

தோற்றப்பொலிவில் மாற்றம் ஏற்படும். நீண்ட நாள் பிரச்சனைகளுக்கு நிதானமாக முடிவுகளை எடுக்கவும். சமூகப் பணிகளில் செல்வாக்கு நிலை அதிகரிக்கும். நிர்வாகம் சார்ந்த துறைகளில் பொறுமை வேண்டும். உத்தியோகப் பணிகளில் சூழ்நிலைக்கு ஏற்ப அனுசரித்து செல்லவும். புதிய விஷயங்களை கற்பதில் ஆர்வம் ஏற்படும். போட்டிகள் நிறைந்த நாள்.

கும்பம்:

உறவினரின் வழியில் மகிழ்ச்சியான செய்திகள் கிடைக்கும். அக்கம்-பக்கம் இருப்பவர்களின் மூலம் அனுகூலமான சூழ்நிலைகள் ஏற்படும். கால்நடை தொடர்பான வியாபாரத்தில் முயற்சிக்கு ஏற்ப மேன்மை உண்டாகும். பொழுதுபோக்கு சார்ந்த செயல்பாடுகளின் மூலம் விரயங்கள் ஏற்படும். உடல் ஆரோக்கியத்தில் ஏற்ற, இறக்கமான சூழ்நிலைகள் உண்டாகும். எழுத்து துறைகளில் இருப்பவர்களுக்கு புதிய வாய்ப்புகள் கிடைக்கும். மறதி குறையும் நாள்.

மீனம்:

வியாபாரம் தொடர்பான பணிகளில் முதலீடுகள் அதிகரிக்கும். வழக்கு சார்ந்த விஷயங்களில் எதிர்பார்ப்புகள் நிறைவேறும். வியாபார பணிகளில் வேலையாட்களின் ஒத்துழைப்பு கிடைக்கும். தனவரவுகளின் மூலம் சேமிப்பு உண்டாகும். குறுந்தொழில் சார்ந்த முயற்சிகள் அதிகரிக்கும். மறைமுக எதிர்ப்புகளை அறிந்து கொள்வதற்கான சூழ்நிலைகள் ஏற்படும். எதிர்பார்த்த சில உதவிகள் கிடைக்கப் பெறுவீர்கள். ஆதரவு நிறைந்த நாள்.